الحمد لله .. اليوم حسمت أمرى تجاه التعديلات الدستورية و سوف أرفضها لأن :
(بالإضافة إلى كثير من الآراء التي سمعت )
١- الإجابة بنعم أو لا إجابة لسؤال يقول
هل توافق على استخدام الدستور القديم بعد تعديل بعض المواد ؟ و هذه التعديلات هى كذا و كذا
٢- أنا لا أرى مكاسب للإجابة بنعم
هنكسب إيه يعنى ؟
إن الانتخابات هيكون عليها رقابة !
القيود الموضوعة على رئيس الجمهورية ؟!
و .. و .. و…
طب ما دي هي نفس مكاسب الإجابة بلا برضوا ..
بس -لا- أحسن أصل أنا لما إخترت -لا- كدا أنا رفضت باقي الدستور اللي كل الناس اتكلمت في مساوئ المواد اللي فيه التي لم تعدل بعد
زي المادة ١٣٣ مثلا بتقول إن الرئيس يقدر يحل مجلس الشعب
٣ - حكم المجلس العسكرى ايه مشكلته يعنى ؟?طب تمام لو انت شايف مشكلة .. بسيطة!
أصلا كان مفروض المجلس يسلم السلطة لرجل مدنى من أول أسبوع
واحد زى رئيس المحكمة الدستورية .. رئيس مؤقت و لا ينتمى لأى جهة سياسية
و الجيش يستريح من المسئولية على عاتقه
و الناس تبطل قلق .. و إحنا لسة فيها ممكن نطالب بدا
٤- حد قال جملة عجبتني أوي “مادام أنا متردد إني أقول نعم يبقى أكيد لا “
أنا عندي المبدأ ده من و أنا طفلة .. أمشي في الشارع ده ؟؟ ولا لأ عشان أخذ قرار سريع يبقى أكيد لأ مش جبن بس أسلم
٥- قطعا مش كفاية ٦ أشهر قبل إنتخابات البرلمان
لو كان في ناس بتقول إن الأحزاب مش هتلحق تحضر نفسها و تنضج
فانا بتكلم عن الشرع و الوعي عند الشعب المغيب بقاله كتير يعني نعمل حساب الناس اللي لا تقرأ و الناس اللي زعلوا من الثورة عشان معرفوش ينزلوا ياكلوا بيزا !!
٦- الاستقرار
الناس اللي بتقول نعم بيدعوا إن كدا هيحصل استقرار .. طبعا قصدهم استقرار سياسي “اللي فهمته” طيب فين عدم الاستقرار في لا ؟؟
أنا أري في الحالتين الاستقرار وضعوه مش مختلف كتير
٧- الاقتصاد
أه فعلا الاقتصاد في خطر و أنا مش قادرة أشوف حجمه بس التاريخ أثبت إن السياسة أهم من الاقتصاد
و كمان نعم لا أراها تضمن استقرار في الحالة الاقتصادية
و الحل أكيد في تهدئه المطالب الفئوية و توعية الشعب و المضي في العمل من أجل رفعة مصر
٨- رسالة للناس اللي خايفة علي المادة التانية
الدستور اللي هتقوله عليه نعم ده يحمل مادة لإلغائه كدا أنتم لم تحافظوا على المادة التانية
لو عايزين تخوضوا معركة من أجل المادة التانية فا ده مش وقته خالص !!
مع العلم بالشيء المادة دي أصلا اتعملت علشان الأقباط
____________________________________________
أختم بجملة سمعتها فى بلدنا بالمصرى
بما معناه
لما نعطى الثورة حقها فى النضج أحسن بكتير إننا نقطع عليها الطريق
مريم عصفور
لنفس أسباب أنا كمان هرفضها